Gipuzkoako Foru Aldundiak, Igartubeiti dolare-baserri hau zaharberritu du, baserriaren urrezko aroko, hau da, gure historiako garai jorienetako, adierazle bikaina berreskuratzeko eta gure arbasoen bizimodura hurbiltzeko asmoz. Museo bizia izateko sortua denez, eta aurreko esperientzien arrakasta kontuan harturik, XVI. mendeko baserritarren ohiko prozedura jarraituz, dolareko lana berreskuratu eta jendeari jarduera haren berri zuzenean eta zehatz-mehatz eskaintzea erabaki dugu.
XVI. mendeko zurezko egitura hau indarrez bihurritzea, sagarraren usaina eta lehen muztioaren lurruna, aspaldiko lan baten lekuko izatea…. jardun honetan dena da zirraragarri.
Jarduerak:
Zanpaketak:
Sagar zanpaketak egunero izango dira goizez. Asteburu eta Pilarika egunean eguerdian, 12:00etan zanpaketa bat egingo da, eta arratsaldez, 17:00etan beste bat izango da.
Zanpaketa bakoitza baino lehenago 50kg sagar gehituko dira kirikoketa erakustaldi bat egiteko. Asteburuan ordea, Jo ala jo elkartekoek kirikoketa egokiak egin ditzaten, 150kg sagar gehituko dira zanpaketa bakoitzaren aurretik.
Antzespenak:
Ezkio-Itsasoko eta Yartu elkarteko kide diren bost bizilagunek, XVII. mende hasieran baserrian bizi izandako Kortabarria familia antzeztuko dute.
XVI. mende bukaerako eta XVII. mende hasierako janzkerekin jantziak, baserria erakutsiko diete bisitariei eta beraien zereginei buruz hitzegingo diete. Bisitariak elikadura, sagardogintza, ohe- jantzi eta ehun, altzari konponketa, lanabes eta egur egitura, ereitea, baratzeko produktuei eta abarrei buruzko arloetaz jabetuko dira.
Sagardoa kirikoketa erritmora:
Arizkungo Jo ala Jo taldeak sagarrak kirikoketa erritmoan zanpatuko ditu, larunbat, igande eta asteazkenean, urriaren 8, 9 eta 12an. Kirikoketa, pisoiekin, sagarra txikitzeko mazoekin egiten den txalapartaren aldaera da.
Antzina dolare baserrietan ohikoa zen ohitura hau, Igartubeiti Baserri Museoan gogora ekarriko da, usadio zaharrak berreskuratu eta ikertzen dituen kultur elkarte honen eskutik.
Sagar erakusketa:
Ezkio-Itsason bildutako sagar motak ikusgai izango dira sagar astearen baitan: argentina sagarra, pinoi, errege gaxie, txori sagarra, mendeun sagarra, golden, madari sagarra eta limoi sagarra, besteak beste.
Yartu elkarteak, Ezkio-Itsasoko udaletxearen laguntzaz antolatutako erakusketa, interpretazio zentroan dago kokatua.
Sagar motei buruzko jardunaldia:
- Bertako sagarraren erabilerak hitzaldia
Iñaki Larrañaga. Gipuzkoako Foru Aldundiko Garapen Pomologikoko Teknikaria.
- Sagar dastaketa eta sagarrekin egindako errezeten dastaketa, hitzaldiaren ondoren.
The Glutton Club-en proposamena, San Telmo Museoaren eta Bokadoren lankidetzarekin.
Urriak 5, arratsaldeko 18:00etan San Telmo Museoko Areto Nagusian. Sarrera libre jarleku guztiak bete arte.
IV. Sagardo Astea Argazki Lehiaketa:
Sagardo Astea kamaratik edo mugikorretik! Parte hartu eta lortu saria!
Sagar edo Sagardoarekin egindako errezeten lehiaketa:
Bidali igartubeiti@gipuzkoa.net-era eta lortu 2 lagunentzako afaria.
Egitaraua:
Astelehena 3:
- 11:00etan Inaugurazioa. Gipuzkoako Foru Aldundiaren Sariak X. Sagardo Lehiaketako irabazleei diplomak banatuko zaizkie.
- Zanpaketa eta antzezpenak: 11:30etan.
Urriak 4, 5, 6, 7, 10, 11, 13 eta 14:
- Zanpaketak: 11:30etan.
Gipuzkoa, Araba, Bizkaia eta Nafarroako ikastetxe, jubilatu eta euskaltegiei zuzenduta.
Larunbata 8, igandea 9, asteazkena, 12:
- Zanpaketa eta kirikoketa: 12:00etan eta 17:00etan
- Antzespenak: 11:30etatik 13:00etara; 16:30etatik 18:30etara
- Bertsolariak eta albokaria
- Trikitilariak
Jende kopuru murriztua
Segurtasun arrazoiak direla eta, prentsaldia egiten den gunean, lehen solairuan, sarrera murriztua izango da eta ez da erreserbarik onartzen.
Dena dela, bitartean bisitariek interpretazio zentroa ezagutzeko aukera izango dute.
Igartubeitira nola iritsi
Igartubeiti baserri museoa Ezkion kokatuta dago, (Ezkio bidea, 1km) hau da, Ormaiztegi eta Zumarraga artean.