Gazta eguna Idiazabalen
Maiatzak 1ean, igandean, Gazta eguna ospatuko da Idizabalen. Egitarau zabala eta interesgarria antolatu dute, aurtengo edizioan ere. Astean zehar, larunbaterako eta iganderako ere jarduerak antolatu dituzte, mami txapelketa, "Nire artzantza" dokumentalaren emanaldia, herri kirolak eta Dominika Agergarai artzainari omenaldia, besteak beste
"Natur turismoa, berrikuntza eta iraunkortasuna" IV. Jardunaldietako aukeratutako Tuitak
Apirilak 21ean, Tolosako Topic-en "Natur turismoa, berrikuntza eta iraunkortasuna" IV. Jardunaldian parte hartzeko aukera izan dugu eta ostiralean, apirilak 22an, Lurraren Eguna ospatu dugunez, solasaldietan aipatu ziren zenbait idei interesgarri partekatu nahi ditugu tuiten bitartez. Jardunaldia oso interesgarria izan da, Eskoziatik, Noruegatik, Islandiatik toki euritsu eta hotzetatik Tenerifera bidaiatu dugu, guztiok natur turismoaz gozatzea posible dela egiaztatu eta elkarlanaren bitartez sortutako egitasmoak ezagutzeko aukera izan dugu.
"Sagardoaren lurraldea ezagutuz" ibilaldia
Astigarraga eta Hernani herriak zeharkatuko ditu apirilaren 24ean, Sagardoaren Lurraldeak, Astigarraga, Hernani eta Usurbilgo Udalek antolatuta.
Ilargiaren eragina egurrean baieztatua
"Egurraren inguruko jakinduria eta jakintza" izeneko jardunaldietan aurkeztu berri duten ikerketa zientifiko baten arabera. Apirilaren 13tik 15era ospatuko dira hitzaldi eta aurkezpenak, Hernanin, Pasaian eta Donostian. Igartubeiti Baserriko egurrek 500 urte baino gehiago diraute zutik, gure arbasoen jakinduriaren lekuko.
14. Landare berezien azoka
Apirilaren 23 eta 24an, Iturrarango Lorategi Botanikoan. Aurtengoan 48 mintegik parte hartuko dute, Frantzia, Italia, Espainia eta Euskal Herriko txoko ugarietatik. Kontinente guztietako landareak ikusi eta salneurri paregabean erosteko aukera edukiko dugu eta landare asko gure artean ezezagunak badira ere, arazorik gabe lorategietan edo etxeko leihoetan zaindu ditzakegu.
Artzain eguna Ordizian
Ordizian 2016ko azoka berezien egutegiari hasiera emango dion Artzain Eguna ospatuko da gaur, martxoak 30. Artzainak eta gazta dira protagonista goiz honetan. Besteak beste, Idiazabal gaztaren denboraldi berriaren aurkezpen ofiziala egingo da, Tolosako Fronton Jatetxeko Roberto Ruiz sukaldariaren eskutik.
Islandian hildako baleazaleen inguruko dokumentalaren grabaketa Igartubeitin
Bizkaiko Old Port Films ekoiztetxea Islandian 1615ean eraildako baleazale euskaldunen inguruko dokumentala grabatzen ari da. Igartubeitin burutu dituzte grabaketa zati batzuk martxoak 16an eta 17an.
Familia Planak Urola Garaia eskualdean
Aste Santurako eta Pazko Asterako Familia Planak antolatu ditugu Urola Garaiko zenbait museo eta bestelako ekipamenduak.
Emakumeen eguna ospatu dugu Igartubeitin
Helduei eta haurrei zuzendutako Hazien inguruko tailerrekin eman zaio hasiera "Emakumeak Landa ingurunean IV. Jardunaldia"ri. Bazkaldu eta gero, "Amama" filma ikusteko aukera izan da, Asier Altuna zuzendaria bertan izan da ondorengo solasaldian. Haurrek bitartean, gailetak egin dituzte.
Giro aparta Barrikotean eta bertso saioan
Urrian egindako sagar zukua sagardo bihurtuta dastatzeko aukera izan genuen Igartubeitin. Ekitaldiari hasiera emateko Urretxu-Zumarragako bertso eskolako Gorka Azkarate eta Asier Sasieta aritu ziren bertsotan. Ondoren, Yartuko lehendakariaren hitzak eta Bitorino, Juan, Jose Luis, Pedro, Luis Mari eta Joseba, Igartubeitiko dolarea martxan ipintzeko lanetan diharduten pertsonei omenaldia, bertsoak, sagar dastaketa, jana eta trikitixa.
Emakumeak landa ingurunean IV. Jardunaldia
Emakumearen Nazioarteko Eguna ospatzeko Igartubeitin, martxoak 13an.
Barrikotea eta bertso saioa
Igartubeiti Baserri Museoan urrian egindako sagar zukua sagardo bihurtua dastatzeko ordua iritsi da. Martxoak 5ean, arratsaldeko 18:30etatik aurrera, sagardoa eta bertsoak uztarturik.
"BASERRIAK BARRE EGITEN DUENEAN", Patxi Zubizarretaren kontakizunak jaso du Areago. Istorioak belarrietara II. Euskarazko Kontakizun Laburren Lehiaketako 1. saria
2. saria, "KUPELA BETE MUZTIO" kontakizunagatik Gorka Azkaratek jaso du.
Zortzi kontakizun aurkeztu dira Areago. Istorioak belarrietara II. euskarazko kontakizun laburren lehiaketara
Guztira zortzi kontakizun aurkeztu dira Igartubeiti Baserri Museoak sustatutako Areago. Istorioak belarrietara II. euskarazko kontakizun laburren lehiaketara. Euskararen erabilera sustatzeko asmoz, kultur ondarearen inguruko lan modu berriak zabaltzeko eta parte hartze zein esperimentazio gune berriak sortzeko asmoz, Igartubeiti Baserri Museoak, Areago egitasmoaren bitartez, euskarazko kontakizun laburren lehiaketako bigarren edizioa abian ipini du.
Euskadiko Enogastronomia Museo eta Guneen Sarearen eskaintza Fitur-en
Villa-Lucia Ardoaren Gune Tematikoa, Txakolingunea (Bakio), Sagardoetxea Euskal Sagardoaren Museoa, Igartubeiti Baserri Museoa (Ezkio Itsaso), Gaztaren Interpretazio zentroa (Idiazabal), Ordiziako D’elikatuz Gastronomia eta Elikadura Zentroa, Tolosako Gorrotxategi Konfiteria zentroa dira Euskadiko Enogastronomia Museo eta Guneen Sarea osatzen dutenak. Azkeneko urteetan lankidetzan lanean ari den sare hau FITUR-en aurkeztu da. Sare honen helburua da euskal geografia gastronomi ikuspuntu batetik ezagutzera emango duten esperientziak eta proposamenak sortzea.
Sagardo Uzta
Abendu amaieran II. Sagardo Apurua izan da Donostian. Urtarrilaren 13an, Aritz Aranburu surflariak irekiko du kupela Zelaia sagardotegian. Aurten, Gipuzkoan, azken urteetako sagar kopururik gehiena bildu da. Eguraldiak eraginda izaera eta gorputz handiko sagardoa da orokorrean, aromatikoki freskoa eta ahoan borobila.
Agur 2015 urteari
Laister agur esango diogu 2015 urteari eta errepasoa egiteko garaia da. Igartubeitin aurten ere saiatu gara Museoa publiko mota ezberdinei eskainitako jarduera anitzen bitartez, ondarearen gizarteratzera zuzendutako egitasmoak antolatzen.
Jesus Herasek Sagardo Asteko argazki lehiaketako bildumarik onenari saria lortu du
Bigarren saria, Imanol Manterolak eskuratu du eta hirugarrena Miguel Caverok. Gazteen kategorian, berriz, Maria Romanentzat izan da lehen saria, Bingen Larrañagarentzat bigarrena eta hirugarrena Unai Larrañagarentzat. VIII. edizio honetan guztira 12 pertsonak parte hartu dute, 9 helduk eta 3 gaztek. Saritutako eta aurkeztutako argazkiak ikusgai izango dira urtarrilak 3rarte Igartubeitiko interpretazio zentruko erakusketan.
Igartubeiti Euskadiko Enogastronomia Museo eta Guneen Sareko kide
Igartubeiti Baserri Museoa "Euskadiko Enogastronomia Museo eta Guneen Sare"ko kide da, ekimena bultzatu duen Basquetour- Turismoaren Euskal Agentziari esker, D’Elikatuz Zentroarekin, Gaztaren Interpretazio Zentruarekin, Gorrotxategi Konfiteri Museoarekin, Sagardoetxea Euskal Sagardoaren Museoarekin, Txakolingunearekin eta Villa-Lucía Ardoaren Gune Tematikoarekin batera. Euskadiko gastronomian eta ardoetan interesa duten bisitariei eskaintza aberatsagoa, dinamikoagoa, betea eta prestatua emateko asmoa du sare honek
Dardary laukotearen bideoa Igartubeitin grabatua
Abuztuaren amaieran grabatu zuen Dardary laukoteak bideoa Igartubeitiko dolarean. Diska berrirako portadaren argazkian ere musikariak dolarean azaltzen dira biolin, biolontxelo eta gitarrarekin.