Ondarearen didaktikaren inguruko esperientziak
Igartubeiti Baserri Museoak Ikus Berriz Bizi egitasmoaren barne, bi tailer antolatu ditu, Vídeo Xpres Urretxu-Zumarragako Garaialde Lizeoko 3. DBHko 15 urtetako gazteei zuzendutakoa otsailak 20an eta familentzako Gure kaxa ilustratua, otsailak 21ean. Bi tailer hauek Bitartean. Arte eta Hezkuntzako Jyotimak eta Nereak eskaini dituzte.
Gazteek beraien mugikorrekin Igartubeiti baserriko eta inguruneko irudiak hartu dituzte. Ondoren, zenbait laburmetrai ikusi dituzte ideiak hartzeko. Bakoitzak berarentzat garrantzitsua den objektu bat ekarri dute bideoan erabiltzeko. Azkenik, ordenagailuetan movie-maker programarekin bideoak editatu dituzte.
Familiek berriz, larunbat arratsaldean, kaxa ilustratu bat sortu dute barruan familiako ondarea sartzeko. Kasu batzuetan ondarea objektuak izan dira, baita marrazkiak edo elementu ezberdinekin sortutakoak. Amaitzeko, familia bakoitzak bere kaxan gorde duena azaldu du mokadutxoa janez. Famili bakoitzak bere kaxa ilustratua eraman du etxera.
