Landa ingurunean girotutako filmak

Zinemateka egitasmoa, landa-eremutik eta landa-eremurantz doazen begiradak partekatzea bilatzen duen espazioa da, bertako gizartea eta errealitatea benetan islatzen duten ekoizpenei beren lekua eskeiniz.

Ekimen honek landatartasunen inguruko hausnarketa ahalbidetu eta bultzatzea du helburu, horretarako artea eta hizkuntza zinematografikoa ildotzat hartuz. Gai desberdinak landuko ditugu eta azken hamarkadatan landa eremuak bizi izan dituen aldaketa politiko, sozial eta ekonomikoei, hala nola ingurumen-aldaketei, ikusgarritasuna emango diegu.

Abiapuntu horretatik, landa-ingurunean girotuta dauden edota honekin kontaktuan dauden film labur nahiz luzeak partekatuko ditugu, lekuan lekuko bizimoduei eta problematikei buruzko haurnarketa kritikoak sortzen dituztenak. Helburua ikuspegi berriak eskeintzea izango da, urte luzeetan landa-mundua negatiboki eta atzerakoi karakterizatzeko egon den joera horrekin hauste aldera.