Emakumeen eguna ospatu dugu Igartubeitin
Jaime Ortiz de Urbina biologoak, ingurumen teknikariak eta Euskal Herriko Hazien Sareko lehendakariak hazien inguruko gaur egungo egoera azaldu du lehendabizi eta ondoren, hazi moeta ezberdinak nola landatu behar ditugun azaldu du.
Bitartean, haurrek hazi moeta ezberdinak ezagutu ondoren, haziekin beraien arte sorkuntza sortu dute.
Bazkarian ere giro bikaina izan da eta 16:30etan Amama filma eskaini dugu, haurrek, berriz, gailetak egin dituzte. Amama filma ikustera hurbildutako ikusle asko erabat hunkituta azaldu dira, zenbaitzu baserrian bizi izan dira, beste batzuk oraindik baserrian bizi dira eta oso gertukoa iruditu zaie filma eder honetan adierazten dena. Jardunaldia amaitzeko Asier Altuna bertan izan da filmaren inguruko bitxikeriak kontatzen, zergaitik erabaki zuen baserriaren gaia, gidoiaren nondik norakoak, grabaketak non burutu zituzten eta abar.
Asier Altuna Amama filmaren solasaldian