Igartubeiti Baserria eta Handia
Handia Filmea arrakasta izugarria izaten ari da. Horren adibide dira esaterako Goya sariak, egindako lanaren aitorpena. Igartubeiti Baserri Museotik ere gure zorion eta eskerrona adierazi nahi diogu lan talde guztiari. ZORIONAK HANDIA!
Igartubeitiko baratzea eta bere ingurunea otsailean
Jada esan liteke badatorrela udaberria, hilabete eskas geratzen da egutegiaren arabera, baina bai naturako izaki bizidun eta beste elementuek eta baita giza ospakizun eta sinesmen ezberdinek, lurrari lozorrotik esnatzen hasteko ordua duela adierazi diote. Landareen lehen izerdiak mugitzen hasi dira, “pizkundea” hasi da. Hortik datozkigu baita ere otsaileko zenbait erritu edota sona zabala duten euskal inauteriak eta beste zenbait ospakizun ere (aldaketa, trantsizioaren adierazle…). Udaberria badator bai, baina ez gaitezen aurreratu, izan ere honela dio esaera zaharrak: “Otsailtxo munduan, aldiz eguzkitan aldiz sutondoan” dio esaerak. Otsaila hotzetik edo epeletik doan, horrek markatuko dizkigu baratzeko eta inguruko lanen erritmoak. Izan ere, honek lanak azkartu edo atzeratu egingo dizkigu eta. Oraingoan ere inguruneak aginduko digu, beraz patxadaz hartu...
Igartubeiti baserria "Sagak. Enbor beretik" Etb1eko telebista saio berrian
Bertan, sagen eta baserrien arteko loturari buruzko azalpenak eskaintzen Iban Maiz lankidea ikus daiteke, baita baserriaren zenbait irudi ere.
Igartubeitiko baratzea eta bere ingurunea urtarrilean
“Urtarril hotza, neguaren bihotza”. Urtarrila, “hilbeltza” bezala ere ezagutzen da. Oraindik neguan gaudenaren seinale, hotza eta iluna, hortik bere izena, eta esaeraren esanahia. Baratzean, urte hasiera lasaia izaten da. Beraz, patxadaz hartu eta ongi pentsatu urte honetako baratzea nola osatu nahi dezuten. Izan ere, oraindik negua da, eta lurrak lozorroan jarraitzen du. Lanik handienak lurra osasuntsu mantentzeko eginkizunek, neguko zuhaitzen landaketek eta fruta arbolen zaintzek emango digute.
Igartubeiti Baserri Museoak eta Zugarramurdiko Sorginen Museoak “Areago Istorioak belarrietara Kontakizunak 2” argitalpen ilustratua aurkeztu dute
Argitalpen honek Igartubeiti Baserri Museoak eta Zugarramurdiko Sorginen Museoak sustatutako Areago. Istorioak belarrietara euskarazko kontakizun hirugarren deialdira aurkeztutako kontakizunak biltzen ditu.
Igartubeiti "Gure lurra" topaketan
Igartubeiti Baserri Museoa "Gure lurra", baserritarren eta hiritarren arteko topagunean parte hartzen ari da Donostiako Kursaalen
Igartubeitiko baratzea abenduan
Honela dio esaera zaharrak: “elur melur, ez nauk/n hire beldur, etxean badiat/ñat arto eta egur”. Bai, abenduarekin batera iritsi zaigu negu sasoia. Zehazki, abenduak 21ean, gure egutegiaren arabera. Hala ere baserria prest egon behar du neguari aurre egiteko. Negua, hotzarekin lotzen dugu ezbairik gabe, baina hortik haratago gure kultur-historia eta ondarearen zenbait misterio eta sinesmen gordetzen ditu, asko eta asko, “xelebrea” badirudi ere argiarekin lotuta daudenak, “Egun-Berriaren” (Eguberri), adierazle. Besteak beste abenduan honako landaketak egin ditzakegu baratzean: marrubia, tipula, eskarola, azalorea, baratxuria, ilarra...
Carlos De Cos eta Alex Murciego X. Sagardo Astea Argazki Lehiaketako sarituak
Epaimahaiak, argazkien aniztasuna eta Sagardo Astea gaia kontutan izan ditu
Igartubeiti elurrez inguratua
Igartubeitiko Baratzea Azaroan
Honelaxe dio esaera zaharrak: “azaroko eguna, argitu orduko iluna”. Ederki asko adierazten digu esaera honek azaroan murgildu orduko datorkiguna. Eguna mozten hasi da. Eguzkiak beheranzko joera hartzearekin batera, goi-mendietako artzainek ere, artaldea atzean dutela baserrirako itzulerari ekin diote. Honekin batera, historian zehar zeresana eman duen garia ereiten hasteko garaia izaten zen azaroan. Eta nola ez, gaztina erreak jateko eta baserrietako su ederra pizteko garaia, neguaren ataria. Besteak beste honako landaketak egiteko garaia da: marrubia, eskarola, borraja, porrua, ziazerbak, tipulina…
SAGARDO ASTEA 2017
Igartubeitiko dolare zaharra beste behin bizi berritu da, eta jende ugari gerturatu da XVI. mendeko sagardogintza ikustera.
"HANDIA" FILMEA ETA IGARTUBEITI BASERRIA
Arrakasta izaten ari den HANDIA filmearen zenbait zati XVI.en mendeko Igartubeiti Baserrian grabatu ziren.
Sagardo Astea, urriaren 4tik 13ra bitartean, bere 16. edizioan
Sagardo Asteari hasiera emateko, Gipuzkoako Foru Aldundiaren XVI. Sagardo Lehiaketako irabazleei sariak banatuko zaizkie. Aurtengo edizio honetan, asteburuan eta San Sebastian Explore Region-en eskutik, Cider Truck-a bisitatuko gaitu, bertan, sagardoa eta Bertatik Bertara inguruko baserritarren elikagaiak dastatzeko aukera eskainiz. Bisitariek esperientzia ezberdinez gozatu ahal izango dute, zanpaketetaz, antzezpenetaz, kirikoketaz eta sagar erakusketaz.
Igartubeitiko baratzea urrian
Urria ez da hilabete makala izango baserri eta nekazal munduan. Lana gogor egiteko garaia, baina esaerak dioen bezala, “udazkena, urte sasoirik ederrena”. Hilabete honetan baserria udatik negurako trantsizio aroan sartuko zaigu, udazkenean, aldaketa garaia iritsi da beraz baserrietara. Batez ere artoa, gaztainak, urrak, intxaurrak eta sagarrak izango dute garrantzia. Besteak beste honako landaketak egiteko garaia da: eskarola, ziazerba edo espinaka, tipulina, marrubia, aza...
Igartubeitiko baratzea irailean
Herri jakinduriaren arabera, iraila iratzearen hilabetea dela esaten da, eta arrazoi faltarik ez. Iratzea, garoa izendatzeko beste izen bat da. Ikusiko dugun moduan, irailean garoak garrantzia handia izan du historian zehar, udazkenerako eta negurako ezinbesteko konpainia izan baita baserritarrentzat. Garoak baserrietan izan duen garrantziaren adierazle da Txomin Agirre idazleak 1912. urtean argitaratu zuen "Garoa" izeneko eleberri ospetsua.
Igartubeitiko baratzea abuztuan
Abuztuko esaerak honela dio: “abuztuan azkenerantz, eguna doa indar beherantz”. Abuztuan uda bete-betean gabiltza. Baina baserri eta landa inguruetan ez da izango deskantsurako asti handirik. Izan ere, negurako ganbara betetzeko egin ahaletan murgiltzen hasteko garaia da nekazarientzat, hotzari eta goseari aurre egiteko. Honek adierazten digu denboraren nozioa ez dela denontzat berdina. Alegia eraikuntza sozial bat dela, testuinguru batetik bestera aldatzen dena.
"Amonaren urrezko orrazia", Eztizen Agirresaroberen kontakizunak jaso du Istorioak belarrietara III. euskarazko kontakizun laburretako lehiaketako 1.saria
2. saria, "Ezberdintasunean berdintsu" kontakizunagatik Iñigo Legorburuk jaso du.
Igartubeitiko baratzea eta ingurunea uztailean
“Uztailean igitaia eskuan”. Uztaila udarako lehenengo uzta jasotzeko garaia da (uzta+ila). Historian zehar, uztailean baserriko lanak gariaren eta artoaren inguruan antolatzen ziren. San Fermin egunaren inguruan garia biltzen zen eta aldi berean artajorran egiten zen, kendutako hostoekin koltxoiak eta alfombrak egiten zituztelarik.
Ibilbide eta tailer didaktiko berriak 2017-2018 hezkuntza programan
Igartubeiti Baserri Museoko hezkuntza programa maila ezberdinei dago zuzendua, eskola kurrikulumaren edukien osagarria izan nahi da eta euskal baserriaren historia, bilakaera eta bertan bizi ziren diren biztanleen eguneroko bizimodua erakusten du. Bestalde, ibilbide bakoitzean Igartubeiti Baserri Museora etorri baino lehenago eta ondoren egiteko jarduera ezberdinak ere proposatzen ditugu.