Igartubeitiko familiak sarean
Igartubeiti Baserri Museoko familiak sarean. Familian dibertitu eta entretenitzeko jarduera.
Baserritarren ekimenak koronabirusaren aurrean
Egoera berezi honen aurrean Euskal Herriko bazter ezberdinetako baserritarrak irtenbide eta ekimen ezberdinak bilatzen ari dira beraien lanak aurrera atera eta herritarrei bertako elikagaiak eskaintzen jarraitzeko. Horregatik, Igartubeiti Baserri Museotik baserritarren lanari aitortza egin nahi diogu, aldiro aldiro gure webgunean beraien ekimenen berri emanez.
“Apirila on ikusi nahi duenak 100 urtez behar du bizi"
Apirileko egunak, udaberri giroan murgilduko gaituzte. Bai baina, inguruko baserritarrei begiratuz gero, oraindik begiak zerura so dituztela ohartuko gara, apiril hasierako egunak, euritsuak izaten direla aipatzen baitute baserritarrek. Izan ere hasierako egun hauek “zozomikote” egunak bezala ezagutu izan dira Euskal Herriko baserri eta bazterretan, edota baita “Artzai egunak” bezala ere. Martxoaren amaierako 2 egun eta erdi eta apiril hasierako beste 2 egun eta erdi lirateke zozomikote egunak, hau da zozoak bikoteka kabiak egiten hasten diren garaia.
Baratze eta soroak hilerri bihurtu zirenekoa
Egoera berezi honen aurrean, gure historia, kultur ondarea eta museoak denontzat irekita egoten jarrai dezaten, Igartubeititi Baserri Museotik ahaleginetan jarraitzen dugu. Hori dela eta oraingo honetan gure historian zehar gertatu diren beste antzerako epidemia batzuk ekarri nahi ditugu gogora. Nola eragin ote zien XV, XVI eta XVII. mendeetako euskal baserritarrei gaur bizi dugunaren antzerako epidemia larriek?
Igartubeitiko familiak sarean
Igartubeiti Baserri Museoko familiak sarean. Familian dibertitu eta entretenitzeko jarduera
Museoa itxita baina lanean
Museoa ezin da bisitatu eta programatutako aktibitate guztiak bertan behera gelditu dira baina lanean dihardugu laister gure edukiak zuei online helerazteko #IgartubeitiEtxetik. Bitartean gure sare sozialak inoiz baino biziagoak daude, jarraitu gaitzazu Facebook eta Twitterren
Martxoko eguraldi: eguzki eta euri
Martxoak, udaberria dakarkigu. Begira ezazu zure inguruko zuhaitz, landaredi, baratze edota belazeetara. Eta begien, sudurren eta belarrien aurrean izango duzu udaberria. Baina baserritarrak mende luzeetan zehar ederki asko ikasi du, martxoko udaberria ez dela dena eguzki eta argi. Beraz, udaberrirako prestatu bai, baina neguko aztarnak oraindik baserri inguruetan iraungo dute zenbait egunez.
Igartubeiti Baserri Museoak, Barrikote festa ospatzen du, bere dolarean egindako sagardoa dastatzeko aukera bakarra
Festa datorren larunbatean, martxoak 14an ospatuko da 17:00etatik aurrera doako sarrerarekin. Publiko mota guztientzako jarduerak izango dira: bisita antzestua, kirikoketa emanaldia, sagardo eta Bertatik Bertara produktuen dastaketa...
Emakumeen arteko topaketa, Lurraldeak [Territorias] erakusketa dela eta
Urola Garaiko emakumeen etxean
Otsaila, bi garaien arteko mugarria
Negutik udaberrirako jauzia adierazten duen hilabetea da otsaila. Ingurugiroaren aldaketa edo naturaren tempoa, baserriak ongi asko ikasi du, nahiz eta gaur egun ahazten doan beste denbora mota bat gainjarri baitzaigu. Hau da, denboraren pertzepzioa osatzeko garaian, gizarte eraikuntzak bere eragina dauka. Otsailak, eta honi loturiko lan, erritual eta ospakizunek hori adieraziko digute. Gaur folklore, ondare edo sinbolo dena, atzo bizitzeko modu bat zen.
Igartubeiti Baserri Museoa, Iparragirreren ibilbidean
"Hiru Herri bizitza bat ekimena; XIX.mendera bidaiatu" mundua Jose Mari Iparragirreren begietatik ikusteko aukera eskaintzen digun bisita turistikoa aurkeztu da otsailaren 3an, Urretxuko udaleko atarian.
Nathalia Heim-en Lurraldeak [Territorias] erakusketa, Igartubeitiko PATRIM+ egonaldi artistikoaren emaitza, Urola Garaiko Emakumeen Etxean
Urtarrilak 27tik martxoak 31era ikusgai izango den erakusketa hau 2019ko uztailean hasitako prozesu baten emaitza da, Ezkioko Igartubeiti Baserri Museoak antolatutako Patrim+ mugaz gaindiko egonaldi artistikoaren testuinguruan. Igartubeitin izan zen erakusketa 2019ko irailetik abendura.
Urtarrila neguaren bihotza
Urtarrilarekin urteari hasiera eman badiogu ere, neguak gurekin jarraitzen du; baserriak historian zehar ongi ikasi du neguak zer dakarren, ondorioz etxe barrura pausatzen du begirada. Garai honetan baserritarrak urte osorako jarduna antolatzen hasten dira. Beste zenbaitek aldiz, urte hasiera, sagardo uzta berriarekin lotuko dute. Urtarrilean hasten da txotx denboraldia, honela sagardotegiak ateak irekitzen dituzte beraien sagardoa kupeletik dastatzeko, botiletan sartu aurretik.
Igartubeiti Baserri Museoak eta Kutxa Ekoguneak “Areago Istorioak belarrietara Kontakizunak 4” argitalpen Ilustratua aurkezten dute
Argitalpen honek Igartubeiti Baserri Museoak eta Kutxa Ekoguneak sustatutako Areago. Istorioak belarrietara euskarazko kontakizun bostgarren deialdira aurkeztutako kontakizunak biltzen ditu.
Abendua Igartubeitin
Abenduarekin batera datorkigu negua. Hilabete honek ordea gure lurretan barrena izendapen ugari jaso ditu: loia edo lotazila (lo egiteko hilabetea), neguila, beltzila edota hotzaroa. Gaur erabiltzen dugun abendu hitzak ordea beste esanahi bat du, beste modu batera baina neguarekin ere lotu dezakeguna, izan ere latinezko “adventus” hitzetik dator, “jainkoaren etorrera” esan nahiko lukeena. Neguak beraz, bere hasieran eten bat dakar, atseden bat eta lo zorro bat, batez ere gure inguruan nabarituko duguna. Eta baserriak historian zehar neguak zekarren eraldaketara egokitu behar izan du: hotzera, ilunera eta bustira alegia.
Igartubeiti PATRIM + sareko Irisgarritasunari buruzko Jardunaldian, Colungoko Udalean
Igartubeititik azaroak 21ean ondorengo jardunaldian parte hartu dugu, "Jornada de Accesibilidad en Centros de Interpretación y Museos", Colungoko udalean eta "Centro del Arte Ruprestre del Parque Cultural del Río Vero"-n, PATRIM+ sareko ekipamenduan.
Azaroa Igartubeitin
Azaroko hilabeteak udazkenean erabat murgildu gaitu, azken txanpan sartzeraino. Sagar lanak egin da, baserria azkeneko uztak jaso eta bere barnean ongi jasotzeko ahaleginetan ibiliko da, ganbarak erruz betetzerarte. Sinesmenek ere izango dute zeresana azaroan, arimari lotuta. Eta aldi berean baratzea negurako landareez beteko dugu, eta baita haziez, azaroa “hazi-aroa” baita. Ingurunea berriz azken hostoak galtzen hasiko da, baina hostoaz gain gure lurrak ezkurrez beteko dira, kirris-karras gure oinpean eta txerrien ahotan ibiltzeko...
Urriak 26 larunbata, ezingo da baserria bisitatu
Grabaketa batzuk direla eta, larunbata, urriak 26 baserria itxita egongo da. Hala ere interpretazio zentroa ikusteko aukera egongo da. Barkatu eragozpenak.
Sagardo Aste borobila aurtengoa
18. edizioa izan da aurtengoa, sagar prentsaketez gain, Kirikoketa, antzezpenak eta erakusketak ere izan ditugu ikusgai.