Javier Perez de Azpeitia pianistaren kontzertua dolarean
Javier Perez de Azpeitia pianistak kontzertua eskainiko du Igartubeitiko dolarean, Zumarragako Antioko XXVII. Musikaldiaren barne, urriaren 2an, arratsaldeko 18:00etan.
Autobus zerbitzua doan izango da. Irteera Zumarragako parrokia ondoan izango da 17:30etan eta itzulera kontzertua amaitzean
Curriculum
Musika ikasketak Donostiako, Madrilgo eta Liejako (Belgika) Goi mailako Musika Kontserbatorioetan burutu zituen.
Euskadiko Orkestrako ohiko kolaboratzailea eta Luis Mariano Nazioarteko Kantu Lehiaketako pianista ofiziala bere sorreratik. Gaur egun Musikene, Euskal Herriko Goi Mailako musika ikastegiko Teklatu Saileko Zuzendaria da.
Ondorengo lehiaketetan saritua izan da: Gipuzkoako Pianista Gazteak (1977), Albazeteko Virgen de los Llanos (1987), Santa Cruz de Tenerifeko Yamaha (1988) eta Bartzelonako "Monserrat Alavedra" Ganbera-Musika (1996).
Bakarlari gisa Euskadiko, Kordobako, Irungo Musika Fundazioaren, Donostiako Kontserbatorioaren Orkestretan eta Tarbeseko Ensemble Instrumental-en aritu da; Jean-Louis Capezzalli, Michel Arrignon, Vaclah Hudecek, Antonio Meneses, Michel Debost, Arnau Tomas, Miguel Olano, Alfredo Garcia, Andoni Mercero,Mario Caroli bezelako goi mailako bakarlarien kontzertuetan laguntzaile izan da.
Irakaskuntzan aritzeaz eta kontzertuak eskaintzeaz gain, Javierrek zinematografia munduarekin zerikusia duen jarduera zabala burutu du, pianista gisa kolaboratuz edo ”The Silent Band” ensembleko zuzendari gisa, denboraldi mutuko musiken berreskuratze lanetan Filmoteca Españolan eta Nazioarteko Zinemaldi Lehiaketa ospetsuenetan parte hartuz. Pascal Gaigne musikagilerekin kolaboratzen du nazioarte mailan ezagunak diren filmetako piano grabaketetan, hala nola, ”Azul oscuro casi negro”, “Siete mesas de billar frances”,” Le Cou de la Girafe.
Programa
En el pirineo (Escena al amanecer)
La embrujada del Caserio
El canto de las Montañas
Cinco pajaros en libertad
Pajaros Tristes
Preludios vascos:
Bat-Batean
Errotazuriko Urretxindorra
Eresi
Artzai gaztearen oiuak
San Francisco de Paula caminando sobre las olas
Danza del Fuego
Oharra:
Jende kopuru murriztua
Segurtasun arrazoiak direla eta, kontzertua egingo den gunean, lehen solairuan, sarrera murriztua izango da eta ez da erreserbarik onartzen.
Dena den, baserriko behe solairuan aulkiak ipiniko ditugu kontzertua entzun ahal izateko.
- Noiz
- 2010/10/02 - 18:00 - 19:00
- Non
- Igartubeitiko dolarean
- Gaia
- Harremanetarako Izena
- Igartubeiti
- Harremanetarako Telefonoa
- 943722978
- Hitzordua egutegira gehitu
-
vCal
iCal